சுவையான ஆரோக்கியமான தயிர் சாண்ட்விச்
வழக்கமான சாண்ட்விச்சினை சாப்பிட்டு பழகிய குழந்தைகளுக்கு இப்படி செய்து கொடுத்துப்பாருங்கள். தயிருடன் கேரட், வெள்ளரிக்காய், மிளகுத்தூள் சேர்த்துள்ளதால் குழந்தைகளின்உடலுக்கு மிகவும் ஆரோக்கியமானது.
- பிரட் துண்டுகள்-2
- தயிர்- அரைகப்
- துருவிய கேரட்-கால் கப்
- பொடியாக நறுக்கியவெள்ளரிக்காய் -கால் கப்
- பொடியாக நறுக்கியவெங்காயம்- 2 டேபிள் ஸ்பூன்
- நறுக்கிய கொத்தமல்லிஇலைகள்- 1 டேபிள் ஸ்பூன்
- உப்பு மற்றும்மிளகுத்தூள்- சுவைக்கு ஏற்ப
- எலுமிச்சை சாறு-1 டேபிள் ஸ்பூன்
செய்முறை
- ஒரு பவுலில் கெட்டியான தயிர், துருவிய கேரட், நறுக்கிய வெள்ளரிக்காய், மிளகுத்தூள், பொடியாக நறுக்கிய வெங்காயம் மற்றும் கொத்தமல்லி இலைகள் சேர்த்து நன்கு பிசையவும்.
- லெமன் ஜூஸ் அதற்கு மேல் ஊற்றவும்.
- உப்பு மற்றும் மிளகுத்தூளை சுவைக்கு ஏற்ப மேலே தூவவும்.
- பிரட் துண்டுகளை எடுத்து அதற்கு மேல் தயார் செய்து வைத்த தயிர் கலவையை தடவி அதற்கு மேல் இன்னொரு பிரட் துண்டை வைக்கவும்.
- சாண்ட்விச் இதமாக வேண்டும் என்று நினைத்தால் லேசாக கடாயில் பட்டர் ஊற்றி சூடேற்றி சாப்பிடலாம்.
- பிரட் தூண்டினை நீங்கள் விருப்பப்பட்டவாறு பாதியாக கட் செய்து சாண்ட்விச்னை சுவைத்து மகிழலாம்.