குழந்தைகளுக்கான பன்னீர் பெப்பர் கிரேவி
குழந்தைகள்சுவைத்து சாப்பிட கூடிய ஆரோக்கியமான ஹெல்தியான பன்னீர் கறி.
- 150 கிராம் பன்னீர்
- ½ கப் பால்
- 1 டே.ஸ்பூன் எண்ணெய்
- தேவையானஅளவு உப்பு
- 1 வெங்காயம்
- ¼ கப் முந்திரிப் பருப்பு
- 2 பல் பூண்டு
- ½ இன்ச் இஞ்சி
- 2 டீ.ஸ்பூன் மிளகுத்தூள்
- ¼ டீ.ஸ்பூன் மஞ்சள்தூள்
- 1 டீ.ஸ்பூன் சீரகம்
- 1 டீ.ஸ்பூன் கரம் மசாலா
செய்முறை
- முந்திரிப்பருப்பை சூடான தண்ணீரில் பத்து நிமிடங்களுக்கு ஊற வைக்கவும்.
- ஊற வைத்த முந்திரி பருப்புடன்,வெங்காயம்,பூண்டு இஞ்சி மற்றும் தண்ணீர் சேர்த்து நைசாக அரைக்கவும்.
- கடாயில் எண்ணெய் ஊற்றி சூடாக்கவும்.
- சீரகத்தினை போட்டு பொரியவிடவும் .
- அதனுடன் அரைத்து வைத்த முந்திரி விழுது சேர்த்து மிதமான தீயில் கிளறவும்.
- பச்சை வாசனை போகும் அளவிற்கு 5 நிமிடங்களுக்கு தொடர்ந்து கிளறவும்.
- மஞ்சள் தூள் மற்றும் மிளகு தூள் சேர்த்து 30 வினாடிகளுக்கு வதக்கவும்.
- தண்ணீர் மற்றும் தேவையான அளவு உப்பு சேர்த்து கொதிக்க விடவும்.
- பன்னீர் சேர்க்கவும்.
- பால் மற்றும் கரம் மசாலா பவுடர் சேர்த்து 5 முதல் 8 நிமிடங்களுக்கு மிதமான தீயில் கொதிக்க விடவும்.
- சப்பாத்தி மற்றும் சாதத்துடன் சேர்த்து குழந்தைகளுக்கு பரிமாறலாம்.