கேரட், பீட்ரூட் சூப்

கேரட், பீட்ரூட் சூப்

(குழந்தையின் 6 வது மாதத்தில் இருந்து தரலாம்)

தேவையானவை:

• கேரட் – ஒன்று
• பீட்ரூட் – ஒன்று

செய்முறை:

1.கேரட் மற்றும் பீட்ரூட்டை கழுவி தோல் உரித்து சிறு சிறு துண்டுகளாக வெட்டிக் கொள்ளவும்.

2.பின் இதனை பிரஷர் குக்கரில் வைத்து 4 முதல் 5 விசில் வரை வேக விடவும்.

பீட்ரூட் வேக அதிக நேரம் எடுத்துக்கொள்ளும். இதன்பிறகு இதனை ஆறவைத்து மிக்ஸியில் அரைத்துக் கொள்ளவும்.

இத்துடன் சீரகத்தூளை சேர்த்துக் கொண்டால் ருசியாக இருக்கும்.

வெதுவெதுப்பாக உள்ள நிலையில் இதனை குழந்தைக்கு தரலாம்.

தெரிந்து கொள்ள வேண்டியது:

• கேரட்டை வாங்கும் போது ப்ரெஷ்ஷாக இருக்கவேண்டும். அதன் மேல் எந்த வித கறைகளும், கருப்பு நிறமான புள்ளிகளும் இருக்காமல் பார்த்துக் கொள்ளுங்கள்.
• கடைகளில் பீட்ரூட் வாங்கும்போது ப்ரெஷ்ஷாக இருக்கும் படி பார்த்துக் கொள்ளுங்கள்.
• பீட்ரூட்டின் மேல்பகுதி அழுக்காக இருந்தால் பரவாயில்லை. ஆனால் அது கெட்டியாக இருக்க வேண்டும்.
• இதை சாப்பிட்ட குழந்தைகள் சிவப்பு நிறத்திலேயே சிறுநீர் மற்றும் மலம் கழிப்பார்கள். அதனால் அதைப்பற்றி கவலைப்படாதீர்கள்.
• குழந்தைகளின் உடலில் வைட்டமின் ஏ சத்துகளை உருவாக்கும் பீட்டா கரோட்டீன் என்ற சத்து  கேரட்டில் இருக்கிறது
• குழந்தைகளின் உடலில் நோய் எதிர்ப்பு சக்தியை உருவாக்கும் தன்மை கேரட்டிற்கு உண்டு
• செரிமானம் மற்றும் குடல் சார்ந்த பிரச்சினைகளுக்கு பீட்ரூட் நல்ல தீர்வாக இருக்கும்.
• குழந்தைகளுக்கு சளி தொந்தரவுகளை போக்கும் எதிர்ப்பு சக்தியை பீட்ரூட் கொடுக்கிறது.
• பீட்ரூட்டில் கால்சியம்,பொட்டாசியம், மாங்கனீஸ், நார்ச்சத்து உள்ளிட்ட பல்வேறு சத்துகள் உள்ளன.

மற்ற சூப் வகைகளுக்கு இங்கே கிளிக் செய்யுங்கள்

ரெசிபிகளை காண வேண்டுமா? இங்கே சப்ஸ்க்ரைப்  செய்யுங்கள்..

இந்த மாதிரி பயனுள்ள பதிவுகளுக்கு எங்களை கூகுல்+, ட்விட்டரில் ஃபாலோ  செய்யுங்க மற்றும் ஃபேஸ்புக்கில் மை லிட்டில் மொப்பெட் பக்கத்திற்கு லைக் போடுங்க.