டோனட் குக்கீஸ்
மைதா மற்றும் சர்க்கரை சேர்க்கப்படாமல் குழந்தைகள் விரும்பும் டோனட் வடிவிலேயே செய்யப்படுவதால் குழந்தைகளுக்கு மிகவும் பிடித்த ரெசிபி ஆக இருக்கும்.
- கோதுமை மாவு-½ கப்
- நாட்டு சர்க்கரை-½ கப்
- பேக்கிங் பவுடர்-½ டீஸ்பூன்
- பால்-3–4 டேபிள்ஸ்பூன்
- உப்பு-ஒரு சிட்டிகை
- வெண்ணெய்-தேவையான அளவு
- டாப்பிங்கிற்கு – விருப்பத்திற்கேற்ப
- டார்க் சாக்லேட்-தேவையான அளவு
- தேங்காய் எண்ணெய்-சிறிதளவு
- தேங்காய் துருவல் அல்லது வண்ணமயமான ஸ்பிரிங்கிள்ஸ்
1. மாவை தயார் செய்யவும்:
ஒரு பெரிய பாத்திரத்தில் வெண்ணெய் மற்றும் நாட்டு சர்க்கரையைச் சேர்த்து நன்றாக கலக்கவும்.
2. அதனுடன் ஓட்ஸ் மாவு, முழு கோதுமை மாவு, பேக்கிங் பவுடர் மற்றும் உப்பு சேர்த்து மெதுவாகக் கலக்கவும்.
3. பாலை ஒரு டேபிள்ஸ்பூன் வீதம் சிறிது சிறிதாகச் சேர்த்து, மென்மையான பதத்தில் மாவை பிசையவும்.
4. மாவை மூடி, 1–2 மணி நேரம் குளிர்சாதனப் பெட்டியில் வைத்து குளிர வைக்கவும்.
5. மாவு நன்றாகக் குளிர்ந்ததும், சிறிதளவு மாவை எடுத்து உருண்டைகளாக உருட்டவும். பின்னர் ஒவ்வொரு உருண்டையையும் சிறிய வட்டமாகத் தட்டையாக அழுத்தவும்.
6. உங்கள் விரலைப் பயன்படுத்தி, ஒவ்வொரு குக்கீஸின் மையத்திலும் சிறிய துளை செய்து டோனட் வடிவம் கொடுக்கவும்.
7. ஓவனை 180°C-க்கு முன்கூட்டியே சூடாக்கவும். பேக்கிங் ட்ரேயில் பட்டர் பேப்பர் விரித்து, அதன் மீது குக்கீஸ்களை அடுக்கவும்.
8. 12–15 நிமிடங்கள் அல்லது குக்கீஸின் ஓரங்கள் லேசாக பொன்னிறமாகும் வரை பேக் செய்யவும். குக்கீஸின் தடிமனைப் பொறுத்து பேக்கிங் நேரம் சிறிது மாறுபடலாம்.
9. பேக் செய்த குக்கீஸ்களை முழுமையாக ஆறவிடவும். அதன் பிறகு டாப்பிங் செய்யலாம்.
சாக்லேட் டாப்பிங் செய்வது எப்படி?
10. டார்க் சாக்லேட்டை சிறிய துண்டுகளாக உடைத்து, மைக்ரோவேவில் 20–30 விநாடிகள் வீதம் சூடாக்கி உருக்கவும். ஒவ்வொரு முறையும் வெளியே எடுத்து நன்றாகக் கிளறவும்.
11. அதில் சிறிதளவு தேங்காய் எண்ணெய் சேர்த்து, மென்மையான பதம் வரும் வரை கலக்கவும்.
12. ஆறிய டோனட் குக்கீஸ்களின் மேல் உருக்கிய சாக்லேட்டைத் தடவலாம் அல்லது குக்கீஸை சாக்லேட்டில் லேசாக டிப் செய்யலாம்.
13. அதன் மேல் தேங்காய் துருவல் அல்லது வண்ணமயமான ஸ்பிரிங்கிள்ஸை தூவி, குழந்தைகள் விரும்பும் வகையில் அழகாக அலங்கரிக்கவும்.
14. சாக்லேட் நன்றாக செட் ஆகும் வரை குக்கீஸ்களை குளிர்சாதனப் பெட்டியில் வைக்கவும்.