டோனட் குக்கீஸ் (மைதா,சர்க்கரை சேர்க்காதது)

Donut Cookies : இன்று பெருகி வரும் நவநாகரிக உணவு முறையின் காரணமாக குழந்தைகளின் உடல்நலனில் ஏற்படும் மாற்றங்களை அக்கறையில் கொண்டு நாம் சிறுதானியங்களில் செய்யப்பட்ட பல்வேறு வகையான உணவு வகைகளை குழந்தைகளுக்கு அறிமுகப்படுத்தி வருகின்றோம்.

என்னதான் நாம் பார்த்து பார்த்து செய்து கொடுத்தாலும் குழந்தைகளுக்கு அந்த பேக்கரி உணவுகளின் மேல் உள்ள நாட்டம் என்பது குறையாத ஒன்றாகவே உள்ளது. ஏனென்றால் உணவுகளின் வண்ணங்கள் மற்றும் சுவை குழந்தைகளின் மனதில் மாறாத மாற்றத்தை ஏற்படுத்தி உள்ளது.

Donut Cookies:

எனவே தான் அதற்கு அடுத்தபடியாக பேக்கரி உணவை குழந்தைகளுக்கு ஏற்றவாறு எவ்வாறு ஆரோக்கியமாக செய்து கொடுக்கலாம் என்பது பற்றியும் பல்வேறு வகையான ரெசிபிகளை நாம் தற்பொழுது கொடுத்து வருகின்றோம். அந்த வகையில் இன்று நாம் பார்க்கப் போகும் ரெசிபி டோனட் குக்கீஸ்.

இதில் மைதா மற்றும் சர்க்கரை சேர்க்கப்படாமல் குழந்தைகள் விரும்பும் டோனட் வடிவிலேயே செய்யப்படுவதால் குழந்தைகளுக்கு மிகவும் பிடித்த ரெசிபி ஆக இருக்கும். மேலும் மைதாவிற்கு பதிலாக கோதுமை மாவு மற்றும் ஓட்ஸ் மாவு சேர்த்துள்ளதால் குழந்தைகளுக்கு ஆரோக்கியமானது.

பேக்கரிகளில் உபயோகிக்கும் சீனிக்கு பதிலாக  நாட்டுச் சர்க்கரை சேர்த்திருப்பதால் குழந்தைகளுக்கு தாராளமாக செய்து கொடுக்கலாம்.இந்த ரெசிபியை பார்ப்பதற்கு முன்னால் இதில் நிறைந்து இருக்கும் நன்மைகளை பார்க்கலாம்.

Donut Cookies

• கோதுமை மற்றும் ஓட்ஸ் ஆகிய இரண்டிலும் நார் சத்துக்கள் நிறைந்திருப்பதால் குழந்தைகளுக்கு மலச்சிக்கல் வராமல் தடுக்க கூடியது.
• ஓட்ஸில் கார்போஹைட்ரேட்டுகள் நிறைந்திருப்பதால் குழந்தைகள் விளையாடுவதற்கு தேவையான ஆற்றலை கொடுக்கவல்லது.
• ஓட்ஸில் குழந்தைகளுக்கு தேவையான புரதச்சத்தும் இருப்பதால் குழந்தைகளின் ஒட்டு மொத்த தசை வளர்ச்சிக்கு உறுதுணையாக உள்ளது.
• மேலும் ஓட்ஸில் இரும்புசத்து, மெக்னீசியம், துத்தநாகம், பாஸ்பரஸ் மற்றும் வைட்டமின் பி நிறைந்துள்ளதால் குழந்தைகளின் உடலுக்கு ஆரோக்கியமானது.
• ஓட்ஸ் மற்றும் கோதுமை சேர்த்துள்ளதால் சிறிதளவு உணவு எடுத்துக் கொண்டாலே வயிறு நிரம்பிய திருப்தியை இது கொடுக்கும்.

Donut Cookies

தேவையான பொருட்கள்

• ஓட்ஸ் மாவு-½ கப்
• கோதுமை மாவு-½ கப்
• நாட்டு சர்க்கரை-½ கப்
• பேக்கிங் பவுடர்-½ டீஸ்பூன்
• பால்-3–4 டேபிள்ஸ்பூன்
• உப்பு-ஒரு சிட்டிகை
• வெண்ணெய்-தேவையான அளவு

டாப்பிங்கிற்கு – விருப்பத்திற்கேற்ப

• டார்க் சாக்லேட்-தேவையான அளவு
• தேங்காய் எண்ணெய்-சிறிதளவு
• தேங்காய் துருவல் அல்லது வண்ணமயமான ஸ்பிரிங்கிள்ஸ்

Donut Cookies

செய்முறை

1. மாவை தயார் செய்யவும்:
ஒரு பெரிய பாத்திரத்தில் வெண்ணெய் மற்றும் நாட்டு சர்க்கரையைச் சேர்த்து நன்றாக கலக்கவும்.

2. அதனுடன் ஓட்ஸ் மாவு, முழு கோதுமை மாவு, பேக்கிங் பவுடர் மற்றும் உப்பு சேர்த்து மெதுவாகக் கலக்கவும்.

3. பாலை ஒரு டேபிள்ஸ்பூன் வீதம் சிறிது சிறிதாகச் சேர்த்து, மென்மையான பதத்தில் மாவை பிசையவும்.

4. மாவை மூடி, 1–2 மணி நேரம் குளிர்சாதனப் பெட்டியில் வைத்து குளிர வைக்கவும்.

5. மாவு நன்றாகக் குளிர்ந்ததும், சிறிதளவு மாவை எடுத்து உருண்டைகளாக உருட்டவும். பின்னர் ஒவ்வொரு உருண்டையையும் சிறிய வட்டமாகத் தட்டையாக அழுத்தவும்.

6. உங்கள் விரலைப் பயன்படுத்தி, ஒவ்வொரு குக்கீஸின் மையத்திலும் சிறிய துளை செய்து டோனட் வடிவம் கொடுக்கவும்.

7. ஓவனை 180°C-க்கு முன்கூட்டியே சூடாக்கவும். பேக்கிங் ட்ரேயில் பட்டர் பேப்பர் விரித்து, அதன் மீது குக்கீஸ்களை அடுக்கவும்.

8. 12–15 நிமிடங்கள் அல்லது குக்கீஸின் ஓரங்கள் லேசாக பொன்னிறமாகும் வரை பேக் செய்யவும். குக்கீஸின் தடிமனைப் பொறுத்து பேக்கிங் நேரம் சிறிது மாறுபடலாம்.

9. பேக் செய்த குக்கீஸ்களை முழுமையாக ஆறவிடவும். அதன் பிறகு டாப்பிங் செய்யலாம்.

சாக்லேட் டாப்பிங் செய்வது எப்படி?

10. டார்க் சாக்லேட்டை சிறிய துண்டுகளாக உடைத்து, மைக்ரோவேவில் 20–30 விநாடிகள் வீதம் சூடாக்கி உருக்கவும். ஒவ்வொரு முறையும் வெளியே எடுத்து நன்றாகக் கிளறவும்.

11. அதில் சிறிதளவு தேங்காய் எண்ணெய் சேர்த்து, மென்மையான பதம் வரும் வரை கலக்கவும்.

12. ஆறிய டோனட் குக்கீஸ்களின் மேல் உருக்கிய சாக்லேட்டைத் தடவலாம் அல்லது குக்கீஸை சாக்லேட்டில் லேசாக டிப் செய்யலாம்.

13. அதன் மேல் தேங்காய் துருவல் அல்லது வண்ணமயமான ஸ்பிரிங்கிள்ஸை தூவி, குழந்தைகள் விரும்பும் வகையில் அழகாக அலங்கரிக்கவும்.

14. சாக்லேட் நன்றாக செட் ஆகும் வரை குக்கீஸ்களை குளிர்சாதனப் பெட்டியில் வைக்கவும்.

குறிப்பு: சாக்லேட் மற்றும் மேலே தூவும் ஸ்பிரிங்கல்ஸ் வேண்டுமென்றால் மட்டும் சேர்த்துக் கொள்ளலாம். ஆனால், இது கட்டாயம் இல்லை.

உங்கள் குழந்தைகளுக்கான வீட்டிலேயே தயாரித்த ஆர்கானிக் உணவு வகைகளை பற்றி அறிய இங்கே கிளிக் செய்யுங்கள்.

உங்கள் குழந்தைகளுக்கான ஆரோக்கியமான ரெசிபி வீடியோக்களை காண இங்கே கிளிக் செய்யவும்.

குழந்தை வளர்ப்பு பற்றிய உபயோகமான தகவல்களை அறிய எங்கள் My Little Moppet Tamil Facebook page-ஐ தொடருங்கள்.

குழந்தை வளர்ப்பு பற்றிய உங்களது சந்தேகங்களை 1000 தாய்மார்கள் கொண்ட எங்களது குரூப்பில் இணைந்திடுங்கள்.

Donut Cookies

Donut Cookies

அடிக்கடி கேட்கப்படும் கேள்விகள்

1. இந்த டோனட் குக்கீஸை மைதா இல்லாமல் தயாரிக்க முடியுமா?

ஆம். இந்த செய்முறையில் ஓட்ஸ் மாவு மற்றும் முழு கோதுமை மாவு பயன்படுத்தப்படுவதால், மைதா சேர்க்க வேண்டிய அவசியமில்லை.

2. சாக்லேட் டாப்பிங்கை தவிர்க்கலாமா?

ஆம், சாக்லேட் டாப்பிங்கைத் தவிர்க்கலாம். விருப்பத்திற்கு ஏற்ப குக்கீஸ்களை அப்படியே சாப்பிடலாம் அல்லது தேங்காய் துருவல், நட்ஸ் போன்றவற்றைக் கொண்டு அலங்கரிக்கலாம்.

3.மாவை ஏன் குளிர்சாதனப் பெட்டியில் வைக்க வேண்டும்?

மாவை குளிர்சாதனப் பெட்டியில் வைப்பதால் அது சற்று இறுக்கமாகும். இதனால் குக்கீஸ்களை எளிதாக வடிவமைக்க முடியும். மேலும், பேக் செய்யும்போது டோனட் வடிவம் மாறாமல் இருக்கவும் இது உதவுகிறது.

4. வீட்டிலேயே தயாரித்த ஓட்ஸ் மாவைப் பயன்படுத்தலாமா?

ஆம். சாதாரண ரோல்டு ஓட்ஸை மிக்ஸியில் போட்டு நன்றாக பொடியாக அரைத்து ஓட்ஸ் மாவை வீட்டிலேயே தயாரிக்கலாம். மென்மையான பதம் வேண்டுமெனில், அரைத்த மாவை சலித்துப் பயன்படுத்தலாம்.