9 மாத குழந்தைக்கான உணவு அட்டவணை

9 மாத குழந்தைக்கு என்னென்ன உணவு வகைகள் கொடுக்கலாம்?

உங்கள் குழந்தைக்கு என்ன உணவைக் கொடுப்பது, குழந்தையை எப்படிச் சாப்பிட வைப்பது என்பது குறித்தும் ஒரு முடிவுக்கு நிச்சயம் வந்திருப்பீர்கள்… இந்தக் கால கட்டத்தில் உங்கள் குழந்தைக்கு பல் முளைப்பது, சாப்பிட அடம் பிடிப்பது போன்ற காரணங்களால் உணவு நேரம் என்பது அம்மாக்களுக்கும் குழந்தைகளுக்கும் கூட போரடிக்ககூடிய ஒன்றாக மாறி இருக்கும்.

அதனால், இனி வரும் நாட்களில் குழந்தையை ஆர்வமாக சாப்பிட வைக்க என்ன செய்வது என்பது குறித்தும் அவர்களின் உணவு நேரத்தை மகிழ்ச்சியானதாக மாற்ற என்ன செய்வது என்பது குறித்தும் பார்க்கலாம்…

உணவில் வித்தியாசம் காட்டுங்கள் :

குழந்தைகளுக்குக் கொடுக்கும் உணவில் வித்தியாசம் காட்டுங்கள். ஒரே சுவையை தராமல் பல்வேறு சுவைகளில் அவர்களுக்கு உணவு கொடுங்கள். ஒரு வாரத்தில் ஒரே வகையான காய்கறி மற்றும் பழங்களைக் கொடுக்க வேண்டாம். உங்கள் குழந்தை ஒரு உணவை நன்றாக சாப்பிடுகிறது என்றால் அதுதான் அதற்கு பிடித்த உணவு என நினைத்து தினமும் அதையே நாம் கொடுப்போம். இதுதான் நாம் செய்யும் மிகப்பெரிய தவறு. ஒரே வகையான உணவை நீங்கள் உங்கள் குழந்தைக்குக் கொடுப்பதால், அது போரடிக்கும் உணவாக  மாறிப்போய் அனைத்து உணவுகளையும் குழந்தைகள் தவிர்க்க ஆரம்பித்து விடும்.

முறையான இடைவெளியில் உணவைக் கொடுங்கள் :

குறைவான உணவாக இருந்தாலும் அதனை இடைவெளி விட்டு கொடுத்து வாருங்கள். ஒரே நேரத்தில் அனைத்து உணவையும் சாப்பிட வேண்டும் என நினைக்காதீர்கள். ஒரு நாளைக்கு விதவிதமான உணவுகளை இடைவெளி விட்டுக் கொஞ்சம் கொஞ்சமாகக் கொடுங்கள். இதன் மூலம் குழந்தை நீங்கள் நினைக்கும் உணவைச் சாப்பிடுவதோடு விதவிதமான உணவுகளில்இருந்து அனைத்து சத்துகளும் குழந்தைக்குச் சென்றடையும்.

கூழ் வகைகள் கொடுப்பதை நிறுத்துங்கள் :

எல்லா உணவுகளையும் கூழ் போல தருவதை நிறுத்த வேண்டிய நேரம் இது. இப்போது குழந்தைக்குப் பற்கள் முளைத்திருக்கும். மேலும், புதிதாகப் பற்கள் முளைக்க அவர்கள் தங்களைத் தயார்படுத்திக் கொண்டு இருக்கும் நேரம் என்பதால் அவர்கள் வாயில் மெல்லும் வகையிலான உணவுகளைச் சாப்பிட வேண்டும். எல்லா உணவுகளையும் நீங்கள் கூழ் போல கொடுத்தால் அவர்களால் வாயில் உணவை மென்று சாப்பிடுவதில் சிரமம் ஏற்படும். எனவே உணவைக் கொஞ்சம் மசித்த வடிவில் தரலாம்; ஆனால், கூழாக மாற்றி விடவேண்டாம்.

சாப்பிடும் நேரத்தை மகிழ்ச்சியான நேரமாக மாற்றுங்கள் :

குழந்தைகள் சாப்பிடும் நேரத்தை கதை சொல்லும் நேரமாக மாற்றுங்கள். முயல், ஆமை கதைகள் கூறிக் கொண்டும், விமானம் பறக்கும் கதைகளை சொல்லியும் குழந்தைக்கு உணவைக் கொடுங்கள். சில குழந்தைகளை உயரமான சேர்களில் உட்கார வைத்து உணவை கொடுக்கும்போது அவர்கள் பயத்தால் அழுது கொண்டே உணவைச் சாப்பிட மறுப்பார்கள். அவர்களை அழைத்துக் கொண்டு தோட்டம், வீட்டின் அறைகள், அவர்கள் விளையாடும் இடம், பால்கனியில் உட்கார வைத்தும், அக்கம் பக்கத்தில் உள்ள இடங்களுக்கு அழைத்துச் சென்று விளையாடிக் கொண்டு உணவைக் கொடுங்கள்.

உணவில் மாற்றங்கள் அவசியம் :

பல் வளர்ச்சி ஏற்படும் காலகட்டம் இது. அதனால் பழக்கூழ்களை அப்படியே கொடுக்காமல் அதனை உறைய வைத்து கட்டிகளாகவோ அல்லது குச்சிகள் போன்ற தோற்றத்திலோ கொடுக்கலாம். மேலும் தாய்ப்பாலையும் உறைய வைத்து குச்சிகள் போன்ற வடிவத்தில் தரலாம். இதனால், குழந்தைகள் அதனை எளிதாக சாப்பிட முடியும்.

இதையெல்லாம் நீங்கள் பின்பற்றினால் குழந்தைக்கு உணவைக் கொடுப்பதில் உள்ள பிரச்னைகளைச் சரி செய்துவிடலாம். இதன்பிறகு நீங்கள் உணவு அட்டவணையைப் பின்பற்றலாம். 9-வது மாத உணவு அட்டவணை என்பது எளிதான ஒன்றுதான். 8-வது மாத உணவு அட்டவணையில் சில மாற்றங்களைச் செய்து கொடுத்திருக்கிறோம்.

குழந்தையின் 8-வது  மாதத்திற்கான உணவு அட்டவணையைப் பார்க்க  கீழே உள்ள லிங்க்கை கிளிக் செய்தால் நீங்கள் அதனை முழுமையாக தெரிந்துகொள்ள முடியும்.

குழந்தைகளுக்கு உணவைக் கொடுக்கும்போது என்னென்ன பொருட்கள் தேவை என்பதை தெரிந்து கொள்ள இங்கே கிளிக் செய்யுங்கள்…

எந்த ஒரு புது உணவைக் கொடுப்பதாக இருந்தாலும் 3 நாள் விதிமுறையைப் பின்பற்றுங்கள்…

9 மாத குழந்தைக்கான உணவு அட்டவணை :

முதல் வாரம் :

இரண்டாம் வாரம் :

மூன்றாம் வாரம் :

நான்காம் வாரம் :

உங்கள் குழந்தைக்கு 8 மற்றும் 9 மாதங்களுக்கான உணவு அட்டவணை தேவையெனில் இங்கே கிளிக் செய்யுங்கள்.

மேலே குறிப்பிட்டுள்ள அனைத்து உணவிலும் நீங்கள் உலர் தானிய பொடியை சேர்த்து கொடுத்தால் சத்துகள் கிடைக்கும். சுவையும் அதிகரிக்கும்.

உங்கள் குழந்தையின் உணவில் எப்போது மசாலா பொருட்களைச் சேர்க்கலாம் என்பது உள்ளிட்ட பயனுள்ள தகவல்களைத் தெரிந்துகொள்ள வேண்டுமா? இங்கே கிளிக் செய்யுங்கள்.

எங்கள் பதிவுகள் உங்களுக்கு பிடித்து இருந்தால் எங்களை பேஸ்புக், கூகுள் பிளஸ், ட்விட்டர், பின்ட்ரஸ்ட் ஆகியவற்றில் பின் தொடருங்கள்…