கேரட் கூழ்

வயது-குழந்தையின் 5வது மாதத்தில் இருந்து தரலாம்

தேவையானவை:

• கேரட் – ஒன்று(நடுத்தர அளவிலானது)

செய்முறை:

• கேரட்டை முதலில் நன்கு கழுவி அதனை தோல் சீவிக் கொள்ளவும்.

• பின் இதனை சின்ன சின்ன துண்டுகளாக வெட்டிக் கொள்ளவும்.

• நறுக்கிய கேரட் துண்டுகளை ஒரு சின்ன கிண்ணத்தில் வைத்து தண்ணீர் நிரப்பிய பிரஷர் குக்கரில் வைத்து 2 விசில் வரை விடவும்.

• அடுப்பை அணைத்து நன்றாக ஆறிய பிறகு கைகளால் மசிக்கவும் அல்லது அரைத்துக் கொள்ளவும்.

• சுவைக்காக இத்துடன் சீரகத்தூள் அல்லது பட்டை தூள் ஒரு சிட்டிகை சேர்த்துக் கொள்ளலாம்.
• நீர்ப்பதற்கு கொஞ்சமே தாய்ப்பால் அல்லது ஃபார்முலா மில்க் இத்துடன் சேர்த்தால் குழந்தைகள் சாப்பிட எளிதாக இருக்கும்.
• பாலக் கீரை, உருளைக்கிழங்கு, பீட்ரூட் உள்ளிட்டவற்றையும் இத்துடன் சேர்த்தால் ருசி அபாரமாக இருக்கும்.

தெரிந்து கொள்ள வேண்டியது :

• குழந்தைகளின் 5வது மாதத்தில் இருந்து கேரட்டை நீங்கள் தரலாம்.
  கேரட்டை வாங்கும் போது ப்ரெஷ்ஷாக இருக்கவேண்டும்.
• அதன் மேல் எந்த வித கறைகளும், கருப்பு நிறமான புள்ளிகளும் இருக்காமல் பார்த்துக் கொள்ளுங்கள்.
• குழந்தைகளின் உடலில் வைட்டமின் ஏ சத்துகளை உருவாக்கும் பீட்டா கரோட்டீன் என்ற சத்து நிறைந்து கேரட்டில் இருக்கிறது
• குழந்தைகளின் உடலில் நோய் எதிர்ப்பு சக்தியை உருவாக்கும் தன்மை கேரட்டிற்கு உண்டு

இந்த மாதிரி பயனுள்ள பதிவுகளுக்கு என்னை கூகுல்+, ட்விட்டரில் ஃபாலோ  செய்யுங்க மற்றும் ஃபேஸ்புக்கில் மை லிட்டில் மொப்பெட் பக்கத்திற்கு லைக் போடுங்க.