நிலக்கடலை லட்டு

Nilakadalai Urundai in Tamil: நட்ஸ் வகைகள் என்றாலே நம் குழந்தைகளுக்கு அலாதி பிரியம்தான்.முந்திரி,பாதாம் மற்றும் பிஸ்தாவை பெரும்பாலான குழந்தைகள் விரும்பி உண்பர்.ஆனால் இவைகளை காட்டிலும் பல மடங்கு சத்துக்கள் நிறைந்தது நம் ஊர்களில் மலிவாக கிடைக்கும் நிலக்கடலை தான்.

இது ஒவ்வொரு ஊருக்கு ஏற்ப ஒவ்வொரு வட்டார பெயரில் அழைக்கப்படுகிறது. வேர்க்கடலை, மணிலாக்கடலை, கடலைக்காய், மணிலாக்கொட்டை அல்லது மல்லாட்டை என பல பெயர்கள் உண்டு. சீனி சேர்க்காமல் நிலக்கடலை மற்றும் நாட்டுச்சர்க்கரை சேர்த்து சத்தான கடலை உருண்டை ரெசிபி எப்படி செய்யலாம் என்பதை பார்க்கலாம்.

Nilakadalai Urundai in Tamil

தேவையானவை

• நிலக்கடலை- 1 கப்
• நாட்டுசர்க்கரை– 3/4 கப்
• ஏலக்காய் தூள்- 1/4 டீ.ஸ்பூன்
• நெய்-1 டே.ஸ்பூன்

இதையும் படிங்க: குழந்தைகளுக்கான 4 வகையான தயிர் பழக்கலவை ரெசிபி

Nilakadalai Urundai in Tamil

செய்முறை 

1.பானை சூடாக்கி நிலக்கடலை சேர்க்கவும்.

2.மிதமான தீயில் பொன்னிறமாகும் வரை 8-9 நிமிடங்களுக்கு வறுக்கவும்.

3.ஒரு தட்டில் பரப்பி ஆற விடவும்.

4.நிலக்கடலையின் தோலை நீக்கவும்.

5.நிலக்கடலை,வெல்லத்தூள் மற்றும் ஏலக்காய் தூள் ஆகியவற்றை மிக்சி ஜாரில் போடவும்.

6.பொடியாகும் வரை நன்றாக அரைக்கவும்.

7.அரைத்த பொடியினை ஒரு பவுலில் போடவும்.

8.நெய் சேர்த்து நன்றாக பிசையவும்.

9.சிறு சிறு உருண்டைகளாக லட்டு போன்று பிடிக்கவும்.

10.குழந்தைகளுக்கான சத்தான நிலக்கடலை லட்டு ரெடி.

முட்டை மற்றும் மாமிசத்தை காட்டிலும் பல மடங்கு புரதங்கள் நிறைந்தது வேர்க்கடலை.இதில் 30 க்கும் மேற்பட்ட அத்தியாவசிய வைட்டமின்கள் மற்றும் தாதுக்கள் உள்ளன. மேலும் நார்ச்சத்து மற்றும் நல்ல கொழுப்புகளின் மூலமாகும். வேர்க்கடலையில் கலோரிகள் அதிகம் என்பதால் குழந்தைகள் நன்றாக ஓடி விளையாடுவதற்கான ஊட்டத்தினை தரும்.உங்கள் குழந்தைகளுக்கும் இந்த சத்தான ஸ்னாக்சினை கொடுத்து அசத்துங்கள்.

உங்கள் குழந்தைகளுக்கான வீட்டிலேயே தயாரித்த ஆர்கானிக் உணவு வகைகளை பற்றி அறிய இங்கே கிளிக் செய்யுங்கள்.

உங்கள் குழந்தைகளுக்கான ஆரோக்கியமான ரெசிபி வீடியோக்களை காண இங்கே கிளிக் செய்யவும்.

குழந்தை வளர்ப்பு பற்றிய உபயோகமான தகவல்களை அறிய எங்கள் My Little Moppet Tamil Facebook page-ஐ தொடருங்கள்.

குழந்தை வளர்ப்பு பற்றிய உங்களது சந்தேகங்களை 1000 தாய்மார்கள் கொண்ட எங்களது குரூப்பில் இணைந்திடுங்கள்.