சுரைக்காய் கூழ்

வேகவைத்து மசித்த சுரைக்காய் (அல்லது) சுரைக்காய் கூட்டு

(குழந்தையின் 7 வது மாதத்தில் இருந்து தரலாம்)

தேவையானவை:

• சுரைக்காய் – பாதியளவு
• பாசிப்பருப்பு – 1 டேபிள் ஸ்பூன்
• சீரகத்தூள் – சிறிதளவு

செய்முறை:

1. சுரைக்காயை நன்றாக கழுவி தோலை சீவிக்கொள்ளவும்.
2. இதனை சிறு சிறு துண்டுகளாக்கி பிரஷர் குக்கரில் பாசிப்பருப்புடன் தண்ணீர் சேர்த்து வேக வைக்கவும்.
3. மிதமான தீயில் 2 விசில் வரை வேகவிட்டு ஆறிய பிறகு அதனை மசித்துக் கொள்ளுங்கள்.
4. இத்துடன் சீரகத்தூள் சேர்த்து குழந்தைக்கு கொடுக்கலாம்.

தெரிந்து கொள்ள வேண்டியது:

• அலர்ஜியை ஏற்படுத்தாத தன்மை கொண்ட சரியான உணவு இது.
• பிஞ்சான சுரைக்காயை வாங்குங்கள். காயின் மேல்பகுதியில் கரும்புள்ளிகள், கறைகள் இல்லாமல் பிரெஷ்ஷான காயை வாங்குவது நல்லது.
• இதில் 90 சதவீதம் தண்ணீர் சத்து இருப்பதால் குழந்தைகளுக்கு எளிதில் ஜீரணமாகும் தன்மை உள்ளது.
• மலச்சிக்கலுக்கு தீர்வு தரும் காய் இது.
  இதில் கால்சியம், மக்னீசியம் மற்றும் வைட்டமின் ஏ, சி உள்ளிட்ட பல்வேறு சத்துகள் இருக்கின்றன.

“இதில் 90 சதவீதம் தண்ணீர் சத்து இருப்பதால் குழந்தைகளுக்கு எளிதில் ஜீரணமாகும் தன்மை உள்ளது”