குழந்தைகளுக்கான கொண்டைக்கடலை சாதம்

Channa Rice for 6 Months Babies in Tamil:குழந்தைகளுக்கு புரோட்டீனை அள்ளித் தரும் ஒரு சுவையான மதிய உணவுதான் இந்த கொண்டைக்கடலை சாதம்.

குழந்தைகளுக்கு மதிய உணவாக நான் பெரும்பாலும் தருவது பருப்பு சாதம்,கீரை சாதம் மற்றும் தயிர் சாதம் போன்றவை தான். இவற்றை சாப்பிட்டு அலுத்துப் போன குழந்தைகளுக்கு சற்று வித்தியாசமாக,ருசியாக அதேசமயம் ஆரோக்கியமாக செய்து கொடுக்கக்கூடிய ரெசிபி  தான் இந்த கொண்டைக்கடலை சாதம்.

குழந்தைகளுக்கு  வயிறு நிரம்பிய உணர்வினை கொடுக்கும் இந்த கொண்டைக்கடலை சாதத்தினை 10 மாத காலத்தில் இருந்து நாம் குழந்தைகளுக்கு கொடுக்க ஆரம்பிக்கலாம்.கொண்டைக்கடலையில் புரோட்டின்,வைட்டமின், மினரல்ஸ் மற்றும் நார்ச்சத்துக்கள் இருப்பதால் குழந்தைகளுக்கு ஆரோக்கியமானது.

மேலும் அரிசி மற்றும் கொண்டைக்கடலை போன்றவை குழந்தைகளுக்கு நன்கு விளையாடுவதற்கான  எனர்ஜியை அளிப்பதோடு குழந்தைகளின் உடல் எடையை ஆரோக்கியமாக அதிகரிக்கச் செய்கின்றது. மேலும் இதில் உள்ள நார்ச்சத்துக்கள் மலச்சிக்கல் உண்டாகாமல் தடுக்க கூடியது.

கொண்டைக்கடலை சாதத்தை பார்ப்பதற்கு முன்னால் இதில் நிறைந்துள்ள நன்மைகளை பார்க்கலாம்:

• கொண்டைக்கடலையில் இயற்கையாகவே தாதுக்கள், வைட்டமின்கள், நார் சத்துக்கள், புரதம் ஆகியவை நிறைந்துள்ளன.
• கிட்டத்தட்ட இறைச்சியில் இருக்கக்கூடிய அளவு புரோட்டின் உள்ளது.
• உயர் ரத்த அழுத்தம் உள்ளவர்களுக்கு கொண்டைக்கடலை சிறந்த உணவாகும்.
• மெக்னீசியம், பொட்டாசியம், செலினியம் போன்ற தாதுக்கள் இயற்கையாகவே இதில் நிறைந்துள்ளன.
• சர்க்கரை அளவை புடவை சரியாக வைப்பதில் கொண்டைக்கடலை உதவுகின்றது.
• வைட்டமின் சி, வைட்டமின் ஈ மற்றும் கால்சியம் போன்றவை நிறைந்துள்ளன. எனவே எலும்புகளுக்கு வலிமை அளிக்கின்றது.
• உடலில் ஹீமோகுளோபின் அளவை அதிகரித்து நோய் எதிர்ப்பு சக்தியை அதிகரிக்க வல்லது.
• இதில் ஒரு வகையான கரையக்கூடிய நார்ச்சத்து இருப்பதால் உணவு செரிமானம் ஆவதில் குடலுக்கு நன்மை தருகின்றது.

Channa Rice for 6 Months Babies in Tamil

Channa Rice for 6 Months Babies in Tamil:

தேவையானவை

• கொண்டைக்கடலை- 2 டே.ஸ்பூன்
• அரிசி -2 டே.ஸ்பூன்
• நறுக்கிய பூண்டு -ஒரு பல்
• சீரகத்தூள்- 1/4  டீ.ஸ்பூன்
• மிளகுத்தூள் -1/4 டீ.ஸ்பூன்
• மஞ்சள்தூள் -இம்மியளவு
• நெய் -2 டீ.ஸ்பூன்

Channa Rice for 6 Months Babies in Tamil:

செய்முறை

1.கொண்டைக்கடலையை நன்றாக அலசி 2 முதல் 3 மணி நேரங்களுக்கு ஊற வைக்கவும்.

Channa Rice for 6 Months Babies in Tamil

2.அரிசியை நன்றாக கழுவி 15 நிமிடங்களுக்கு ஊற வைக்கவும்.

3.குக்கரில் நெய்யை ஊற்றி சூடாக்கவும்.

4. அதில் நறுக்கி வைத்த பூண்டினை போட்டு வதக்கவும்.

5.அதனுடன் சீரகத்தூள்,மிளகுத்தூள்,மஞ்சள்தூள் சேர்க்கவும்.

6.ஒரு கிளறு கிளறவும்.

7.கொண்டைக்கடலை மற்றும் அரிசி சேர்த்து ஒரு கிளறு கிளறவும்.

8.தேவையான அளவு தண்ணீர் சேர்க்கவும்.

9.குக்கரில் 3 முதல் 4 விசில் வரும் வரை வேக வைக்கவும்.

10.நன்றாக மசித்து குழந்தைகளுக்கு பரிமாறவும்.

குழந்தைகளுக்கு சாதமானது எளிதில் செரிமானமாவதற்கும்,நோய் எதிர்ப்பு சக்தியினை  அதிகரிப்பதற்கும் சில அடிப்படையான மசாலா பொருட்களை சேர்த்துள்ளேன் .குழந்தைகளின் உணவு பட்டியலில் நாம் 6 மாத காலத்திற்கு பிறகு மசாலா பொருட்களை படிப்படியாக உபயோகிக்க ஆரம்பிக்கலாம். ஒரு வயதிற்கு மேல் உள்ள குழந்தைகளுக்கு சாதத்தில் உப்பு சேர்த்து கொள்ளலாம்.

உங்கள் குழந்தைகளுக்கான வீட்டிலேயே தயாரித்த ஆர்கானிக் உணவு வகைகளை பற்றி அறிய இங்கே கிளிக் செய்யுங்கள்.

உங்கள் குழந்தைகளுக்கான ஆரோக்கியமான ரெசிபி வீடியோக்களை காண இங்கே கிளிக் செய்யவும்.

குழந்தை வளர்ப்பு பற்றிய உபயோகமான தகவல்களை அறிய எங்கள் My Little Moppet Tamil Facebook page-ஐ தொடருங்கள்.

குழந்தை வளர்ப்பு பற்றிய உங்களது சந்தேகங்களை 1000 தாய்மார்கள் கொண்ட எங்களது குரூப்பில் இணைந்திடுங்கள்.

அடிக்கடி கேட்கப்படும் கேள்விகள்

கொண்டைக்கடலை சாதத்தை எந்த மாதத்தில் இருந்து குழந்தைகளுக்கு கொடுக்கலாம்?

இந்த சாதத்தினை பத்து மாதத்திற்கு மேல் குழந்தைகளுக்கு கொடுக்க ஆரம்பிக்கலாம். கொடுக்கும் பொழுது கொண்டைக்கடலையை நன்றாக மசித்து கொடுக்க வேண்டும்.

கொண்டைக்கடலை சாதத்தை எப்பொழுது குழந்தைகளுக்கு கொடுக்கலாம்?

வாரம் ஒரு முறை மதிய நேரத்தில் குழந்தைகளுக்கு கொடுக்கலாம்.

குழந்தைகளுக்கு ஆரோக்கியமானதா?

கொண்டைக்கடலையில் புரோட்டின்,வைட்டமின்கள் மற்றும் உடல் ஆரோக்கியத்திற்கு தேவையான நார் சத்துக்கள் நிறைந்துள்ளதால் உடலுக்கு நன்மை அளிக்கின்றது.